🤍 أولا مرحبا بكم في فاكنا و ان شاء الله بالتفوق و التميز لكم الكل

<aside> ✋ نحب نرحب بكم في الدليل هذا 👩‍🎓👨‍🎓اللي عملناه باش يعاونكم في الترسيم الجامعي 📝 وكل ما يخص حياتكم كطلبة في ايزات زغوان 📚 الفكرة من الدليل هذا هي باش نعطيكم كل المعلومات اللي تحتاجوها بطريقة سهلة وواضحة 🚀 ونساعدكم تخطيو أول خطواتكم في الحياة الجامعية بأكثر ثقة وراحة

</aside>

Inscription

<aside> 💡 كيفاش الترسيم الجامعي ؟

• تطبع شهادة الباك و كشف الاعداد 3 مرات و تمشي تعملهم فالبلدية نسخة مطابقة للأصل.
• كارت E-dinar باش نخلصو بيها الفاك عن بعد تمشي للبوسطة تهز معاك 15دينار و نسخة من بطاقة تعريف و بالوقت تاخو الكارط متاعك ، الكارت تنجم تصب فيها فلوس من تو باش تخلص و لا تو خوذها و بعد صب فيها عادي يعني.
• الدفتر الصحي الي مزال ما هزوش ماليسى يمشي ياخذو
• شهادة طبية تثبت سلامتك من الامراض المعدية تطلع للمصطوصف تقلهم باش ناخو شهادة ... للمبيت الجامعي ديراكت يعطيهالك .
• بطاقة تعيين : ادخل للسيت وين عمرت اختياراتك فالتوجيه تو تلقى بطاقة تعيين هذيك اطبعها حاشتنا بيها تو الترسيم الجامعي فيه مرحلتين مرحلة عن بعد و مرحلة باش تعطي اوراقك.

*المرحلة الأولى تتمثل فالخلاص عند طريق الكارت الي حكيتلكم عليها في سيت www.inscription.tn و تجبد وصل الخلاص تطبعو

*المرحلة الثانية تهز الأوراق للفاك

<aside> ⛔ شهادة الترسيم لازمك تستحفظ عليها و تخبيها خاطر تنجم تستحقها في اي وقت مبعد ، يعني مذابيك تعمل برشا نسخ و تخبيهم

</aside>

• 🔽 الأوراق </aside>

Foyer

<aside> 💡 كيفاش ترسيم في المبيت ؟

باهي اول حاجة يحل موقع OOUN

تعمل عليه compte و demande و تستناو الاجابة ، كيف يجاوبو تخلصو الفواي و تحضرولو اوراقو الي مذابيكم تكونو بديتو فيهم من قبل باش ما تتعطلوش ،

امشيو على بكري للبوسطة خوذو carte edinar jeune، خاطر يوفاو فيسع و ترسيلكم تستناو لين يجيبو مرة اخرى ،

بالنسبة للتسجيل في ISET تحضرو اوراقكم و تستناو موقع التسجيل يحل Inscription.tn تخلصو و تاخذو ال recu باش تهزوه معاكم كيف تجيو ماشين باش تقيدو في الايزات

الفواي : نهار إنسكري للفاك تمشي للفاك تصب وراقك وتستنى حكاية 15 20 دقيقة تتطلع شهادة ترسيم تمشي تعمل عليها كوبي وتخبي الأوريجينال (فما مكتبة فل ايزات) وتزيد الكوبي للوراق الفوياي وتمشي تعمل إنسكري فل فوياي وتخو مفتاح بتك، من وقتها توالي على ذمتك البيت، جيب دبشك ولا نضفها ولا خليها فرغة وأرجعها في رجوع القراية أكيكا أمورك.

<aside> ⛔ فما عندك توصيل تاخد نهارت إنسكري فوياي : آخر لعام كيف تجي باش تراجع مفتاح يمشيو معاك يتفقدو البيت اللي منقصة شيء ولا مكسرت شيء عام كامل وبالتوصيل أذاكا لأوريجينال تاخو 20 دينار

</aside>

• 🔽 الأوراق </aside>

lbnet

<aside> 💡 المبيت الجامعي موسى بن نصير بزغوان : ✅كل بيت فاها زوز بنات اكهو ماكثرش ✅السكتور ( الكلوار ) فها 8 بيوت و عندكم كوجينة و طوالاتات، دوش يحل ثلاثة مرات في الجمعة و نظيف ✅و في البيت متاعك بش تلقى الفرش و البيرو و الخزانة وكرسي و واسعة و مشرهة و ماحلاها ✅بالنسبة للنظافة راو نظيف و باهي و كل يوم femme de ménage تجي للكوجينة و التوالات ✅بش تلقى زادة buvette في وسط الفوايي فيه كل شيء اي حاجة تستحقها في ليل موجود عندو و يسكر مخر ⛔(الاسوام زايدة شوية اما معقولة) ✅جيبو résistance و كل مستلزمات التنظيف بش تنجم تسيق و تنظف البيت و كل ماتسحقوه من ماكلة و ماعون من الدار هكاكة بش تنجم توفق في المصروف و ماتصرف برشا و تصرف كان اللازم في اللازم و متنساوش راو ديما الجو و gala ديما موجود في وسط الفوايي ماكش بش تفد و بش تقلق مع الاصحاب وسهريات🥳

الفوايي يسكر 19:30 ⚠️

و كان جعت في الليل و مالقيت بيها وين تنجم تكلم livraison يجيبلك حتى للباب الفوايي و ماكلة بنينة و موش غالية مثلا من عند restaurant ohana 20110358/98681904🍔 الي يخدمو الكل ناس طيبة و ماحلاهم و تستحقهم تلقاهم في الباهي و الخايب في المرض ماعندك مناش تخاف راو ديما موجودين صباح و ليل و مايخليوكش✅

📍بلاصة المبيت بحذا الايزات

</aside>

Photos

louled

<aside> 💡 المبيت الجامعي رضا عامر (الفردوس) بزغوان:

: من احسن المبيتات في تونس عندكم

🔥 Gaz

❄️ Frigidaire

🏠 البيوت الموجودين فما متع 2 و فما 3 ، في 3 طوابق و كل طابق مقسم لبلوكات ، كل بلوك bloc تلقى فيه 3 ولا 4 بيوت يشتركو مع بعضهم في الكوجينة و الطوالات ، Femme de ménage كل يوم تجي تنظف الكوجينة و الطوالات (ما تدخلش للبيوت) عملو على رواحك باش تخليو بيوتكم نظاف 🧼

🛒 كل شي قريب مالفواي

🥖 كوشة الخبز وراء الفواي

🏪 كرفور اكبراس بحذاكم 💻 publinet و مكتبة غادي

🏋️‍♂️ قاعة رياضة وراء المبيت 🛍️ فما الحماصة قدام الفواي و العطارة موجودين

🚌 shell ⛽ محطة الكيران قريبة علخر بحذا

فما عشرين دينار ترجع اخر العام just استحفظو و ماتكسروش الحاجات الى تلقاوها باش ترجعلكم و يقعد الفواي للعباد الي باش يقراو بعدكم 👨‍🎓

العساس : عم عزيز 👴 ، راجل كبير و فدلاك و يحب الاحترام ، قدرو يقدرك 🤝 ، و تستحق حاجة ولا صارت حكاية تمشي تحكي معاه

جيبو كل مستلزمات التنظيف بش تنجم تسيق و تنظف البيت 🧽 و كل ماتسحقوه من ماكلة و ماعون من الدار هكاكة بش تنجم توفق في المصروف و ماتصرف برشا و تصرف كان اللازم في اللازم 💵

بلاصة المبيت بحذا كارفور اكبراس

</aside>

Photos

il Bourse

<aside> 💰 🔔 بخصوص المنحة الجامعية (البورص)

تتكون من :

• 500 DT (منحة الإدماج) : للطلبة الذين نجحوا في الباكالوريا حديثًا: يعني أول عام في الكلية
• 480 DT
• 240 DT
• 360 DT
• 240 DT

⚠️ إذا كان الدخل السنوي الخاص بك يتجاوز 5 ملايين و153 د، فلن تحصل على البورص كاملة وستأخذ فقط منحة الإدماج (500 د).

وإذا تجاوز 30 مليون فلن تحصل على البورص ولا منحة الإدماج.

<aside> 💡 ملاحظة: أوراق البورص هي نفسها أوراق 500 د (يعني عندما تقدم في البورص نفس الأوراق إذا لم يكن لديك الحق في البورص كاملة تأخذ منحة الإدماج).

</aside>

• 🔽 الأوراق </aside>

Resto

<aside> 💡 ريستو ايزات زغوان✅

من أحسن ريستو الي موجودين في تونس ماكلا نظيفة و كل شيء منظم 🛑 مفماش فطور صباح كل حد أعمل على روحو 🛑بالنسبة للفطور ريستو ايحل 11:30 و ايسكر 14:00 🛑 بالنسبة للعشاء ايحل17:00و ايسكر 19:00(❗ الاولاد فما كار سباسيال 18:00 تجبكم للريستو أما طلع كان bl abonnement) 🛑 بالنسبة للتيكيات تاخو 5 ب 1000مي 🛑 كل واحد عندو الحق بش يعمل دوبل بلاتو 🛑 السبت مفماش عشاء أما فما لمجة تاخوها لنهار الاحد( تيكا اللمجة ب 500مي)

ريستو ايزات في رمضان :✅

🛑 الجو ديما موجود و برشا مرات يعمل سهرية 🛑الماكلة بنينة و ديما موجود الصحور مع كل بلاتو و بزايد

بالنسبة لباقي المناسبات:✅

🛑في المولد عصيدة الزقوقو موجودة في أي احتفال تلقى الجو و الماكلة البنينة

</aside>

Photos

Transport

<aside> 💡 ✅النقل بين تونس زغوان؛✅

تاخو لواح ولا كار من تونسً منً محطة باب عليوة 🚌👌🛑 سوم لواج تونس زغوان :5350ميً لواجاتً تجيً قدام ليزاتً ولا تنجمً تعمل contacte معً لواجيست يجيك قدامً ليزات (تتفاهموً قروب 8 من ناس يجي يهزكم ديراكت)🛑 نومروً لواجيست : قيس : 98202339 🛑

✅بالنسبة للكيران 🚎

📍اول كارً تخرجً من باب عليوة كارً confort 6:30 متع صباح 🕡 فما. كار عاديةً تخرج. من باب عليوة 7:15 🕡⚠️كيران العادية تتعدى منً فوشانةً و المحمديةسومً كار كونفور 4000 ميًسوم كار عادية 3400 مي ⚠️ كيران لكلً تتعدى من قدام ليزات🕡أوقات الكيران الي تخرج من زغوان: 10h/12h/15h /16h/17:30h فما كار سباسيال 18:00 للريستو أما طلع كان bl abonnement

✅النقل في زغوان:✅

🛑فما نقل ايوصلك لايزات موجود ديما في المحطة و فما شكون تسألوا ايعاونك (900)🛑فما كيران تونس و يتعداو على ايزات (10 صباح) 🛑فما كار سباسيال لينا تجي 8 صباح تجهز لايزات ب 700 و كان تحب اعمل abonnement ب 45dt في كل سماستر تسهل عليك تستحق كاوراق نسخة بطاقة تعريف زوز تصاور و نسخة من شهادة ترسيم ( 🚌محطة الكار بحثة مبيت الاولاد)🛑 فما كار 17:30 كانت طفلة و هيك للسونتر تنجم تروح فيها تتعدى على ايزات خاترها آخر كار ❗الاسوام متاع النقل الكل بين السونتر و ايزات متفوتش دينار

<aside> 🚐 هذا Google sheets تلقاو فيه برشا نوامر تعاونكم : 🔗 Louage & Na9l Zaghouan

</aside>

</aside>